Градоначалникот Дарко Костовски денес го потпиша одобрението за градба на водоводот за Љубанци и Љуботен.
Во текот на утрешниот ден министерството за транспорт ќе распише јавна набавка за избирање на изведувач.
Работните активности започнуваат наскоро.
Градоначалникот Дарко Костовски истакна дека овој проект е еден од најдрагите проекти во неговиот мандат, поради основната потреба на жителите на овие две села, но и заради исклучителната сложеност на целиот процес.
Градоначалникот изрази благодарност до премиерот проф. Христијан Мицкоски за неизмернатa поддршка.
Истовремено, градоначалникот изрази благодарност и до вицепремиерот и министер за транспорт Александар Николовски за одличната соработка и поддршка.
